٥٣١٧: ابو صالح نے ام ہانی (رض) سے روایت کی ہے کہ حضرت فاطمہ (رض) نے حضرت ابوبکر (رض) سے کہا تمہارا کون وارث ہوگا جب تم مرجاؤ گے ؟ انھوں نے کہا میری اولاد اور بیوی۔ وہ کہنے لگیں پھر کیا وجہ ہے کہ تم ہمارے بجائے جناب رسول اللہ (صلی اللہ علیہ وآلہ وسلم) کی وراثت کے حقدار بن گئے ابوبکر کہنے لگے اے جناب رسول اللہ (صلی اللہ علیہ وآلہ وسلم) کی بیٹی۔ تمہارے والد محترم نے وراثت میں نہ مال چھوڑا نہ غلام ‘ نہ ہی سونا اور چاندی۔ انھوں نے کہا فدک کی وہ زمینیں جو اللہ تعالیٰ نے ہمارے لیے مقرر کیں اور ہمارا وہ خالص حصہ جو تمہارے پاس ہے ابوبکر صدیق (رض) کہنے لگے ! اے جناب رسول اللہ (صلی اللہ علیہ وآلہ وسلم) کی بیٹی میں نے جناب رسول اللہ (صلی اللہ علیہ وآلہ وسلم) کو فرماتے سنا کہ وہ مال تو لقمہ ہے جو اللہ تعالیٰ نے ہمیں کھانے کو دیا ہے۔ جب میں فوت ہوجاؤں وہ مسلمانوں کے لیے وقف ہوگی۔ کیا معترض کو یہ بات نظر نہیں آتی کہ حضرت ابوبکر (رض) نے اس میں یہ اطلاع دی کہ جناب رسول اللہ (صلی اللہ علیہ وآلہ وسلم) نے اپنے ذوی القربیٰ کو جو زندگی میں عنایت فرمایا یہ لقمہ ہے جو اللہ تعالیٰ نے ان کو کھلایا ہے اور حیاۃ مقدسہ میں اس کا مالک بنایا ہے اور آپ کی وفات سے اس کو منقطع کردیا ہے۔ ہم نے اس کتاب کے شروع میں حسن بن محمد بن علی بن ابی طالب (رض) سے نقل کیا ہے کہ انھوں نے فرمایا لوگوں کا اس بارے میں اختلاف ہوا کہ ذوی القربیٰ کو وفات رسول اللہ (صلی اللہ علیہ وآلہ وسلم) کے بعد حصہ ملے گا یا نہیں۔ تو بعض نے کہا کہ ذوی القربیٰ کا حصہ خلیفہ کے قرابت والوں کے لیے ہوگا۔ دوسروں نے کہا کہ جناب رسول اللہ (صلی اللہ علیہ وآلہ وسلم) کا حصہ آپ کے بعد خلیفہ کو ملے گا پھر اس پر اجماع ہوا کہ یہ دونوں حصے گھوڑوں اور جہاد کے اسلحہ کے لیے صرف کئے جائیں اور یہ اجماع خلافت صدیقی (رض) میں ہوا جب صحابہ کرام کا اختلاف کے بعد اجماع ہوگیا تو ان کا اجماع حجت ہے۔ ذوی القربیٰ کا جو حصہ مغانم و فئی میں تھا وفات رسول اللہ (صلی اللہ علیہ وآلہ وسلم) کے بعد اس اجماع سے منقطع ہوگیا۔ حضرت علی (رض) کی جو روایت تم نے بیان کی ہے وہ بات انھوں نے حضرت ابوبکر و عمر (رض) کی متابعت میں کی ہے تاکہ لوگ یہ نہ کہیں کہ وہ ان کی مخالفت کرنے والے ہیں۔ اسے اس روایت میں ذکر کیا گیا ہے۔
کیا معترض کو یہ بات نظر نہیں آتی کہ حضرت ابوبکر (رض) نے اس میں یہ اطلاع دی کہ جناب رسول اللہ (صلی اللہ علیہ وآلہ وسلم) نے اپنے ذوی القربیٰ کو جو زندگی میں عنایت فرمایا یہ لقمہ ہے جو اللہ تعالیٰ نے ان کو کھلایا ہے اور حیاۃ مقدسہ میں اس کا مالک بنایا ہے اور آپ کی وفات سے اس کو منقطع کردیا ہے۔
ہم نے اس کتاب کے شروع میں حسن بن محمد بن علی بن ابی طالب (رض) سے نقل کیا ہے کہ انھوں نے فرمایا لوگوں کا اس بارے میں اختلاف ہوا کہ ذوی القربیٰ کو وفات رسول اللہ (صلی اللہ علیہ وآلہ وسلم) کے بعد حصہ ملے گا یا نہیں۔
نمبر 1: تو بعض نے کہا کہ ذوی القربیٰ کا حصہ خلیفہ کے قرابت والوں کے لیے ہوگا۔
نمبر 2: دوسروں نے کہا کہ جناب رسول اللہ (صلی اللہ علیہ وآلہ وسلم) کا حصہ آپ کے بعد خلیفہ کو ملے گا پھر اس پر اجماع ہوا کہ یہ دونوں حصے گھوڑوں اور جہاد کے اسلحہ کے لیے صرف کئے جائیں اور یہ اجماع خلافت صدیقی (رض) میں ہوا جب صحابہ کرام کا اختلاف کے بعد اجماع ہوگیا تو ان کا اجماع حجت ہے۔ ذوی القربیٰ کا جو حصہ مغانم و فئی میں تھا وہ وفات رسول اللہ (صلی اللہ علیہ وآلہ وسلم) کے بعد اس اجماع سے منقطع ہوگیا۔
سوال : حضرت علی (رض) کی جو روایت تم نے بیان کی ہے وہ بات انھوں نے حضرت ابوبکر و عمر (رض) کی متابعت میں کی ہے تاکہ لوگ یہ نہ کہیں کہ وہ ان کی مخالفت کرنے والے ہیں جیسا کہ حضرت ابو جعفر (رح) کی یہ روایت ہے۔