٥٣٢١: بشر بن ولید بیان کرتے ہیں کہ ہمیں امام ابو یوسف نے رمضان ١٨١ ھ میں یہ لکھوایا اللہ تعالیٰ کا قول۔ ” واعلموا انما غنمتم “ (الانفال ٤١) اور تم جان لو ! کہ جو کچھ تم مال غنیمت سے حاصل کرو تو اس کا پانچواں حصہ اللہ تعالیٰ کے لیے اس کے رسول (صلی اللہ علیہ وآلہ وسلم) کے لیے اور آپ کے قرابت داروں اور یتامیٰ اور مساکین اور مسافروں کے لیے ہے تو یہ اس چیز کے بارے میں جیسا کہ ہم تک بات پہنچی (اللہ تعالیٰ بہتر جانتے ہیں) کہ مشرکین کے لشکروں سے جو مال غنیمت کے طور پر حاصل ہو ‘ اس میں سے خمس ہوگا جیسا کہ اللہ تعالیٰ نے اپنی کتاب میں اس کا تذکرہ فرمایا ہے اور چار حصے اس لشکر کے ہوں گے جس نے اس کو حاصل کیا ایک حصہ گھوڑے کا اور ایک حصہ اس آدمی کا۔ جیسا کہ احادیث و آثار میں مروی ہے۔ حاصل اثر : اس میں ذوی القربیٰ کے لیے خمس کا ثبوت ملتا ہے۔ اس میں ذوی القربیٰ کے لیے خمس کا ثبوت ملتا ہے۔ اصحاب امالی کی دوسری روایت : (بشر بن ولید وغیرہ) نے بیان کیا کہ ہمیں امام ابو یوسف (رح) نے ایک مسئلہ اس طرح املاء کروایا امام ابوحنیفہ (رح) نے فرمایا کہ جب امام کو مشرکین کے کسی علاقہ پر غلبہ حاصل ہو تو اسے اختیار ہے کہ وہ اس کے متعلق وہ طرز عمل اختیار کرے جو بہتر اور مسلمانوں کے لیے خیر کا باعث ہو۔ اگر اس کی رائے ہو کہ وہ زمین اور سامان کا خمس لے لے اور چار حصے بقیہ فاتح لشکریوں میں تقسیم کر دے تو اس کو اس کی اجازت ہے اور خمس کو تین حصوں میں تقسیم کرے۔ نمبر ١ فقراء۔ نمبر ٢ مساکین۔ نمبر ٣ مسافر اور اگر وہ مناسب خیال کرے زمینوں کو وہاں کے قابضین کو اس میں چھوڑ دے اور ان کو ذمی بنائے اور ان کی زمینوں پر خراج اور ان پر خراج مقرر کر دے جیسا کہ حضرت عمر (رض) نے سواد عراق کے متعلق کیا۔ امام طحاوی (رح) فرماتے ہیں : یہ روایت ثابت کر رہی ہے کہ ذوی القربیٰ کا حصہ ساقط ہوگا۔ ہمارے ائمہ کا مشہور قول یہی ہے۔ ان دونوں روایات کے اتفاق سے جو بات معلوم ہوتی ہے وہ یہ ہے فئی اور خمس غنائم جب حاصل ہوجائیں تو اہل حق کو دیا جائے۔ فئی کے مصارف وفود کے اخراجات و انعامات ہیں پھر ان سے جو بچ رہے وہ خمس غنائم کو جہاں خرچ کیا جاتا ہے وہیں صرف کیا جائے۔ ان میں کچھ فرق نہیں۔ خمس غنائم اور فئی کی وہ صورتیں جن پر جناب رسول اللہ (صلی اللہ علیہ وآلہ وسلم) کے زمانہ میں وفات تک عمل ہوتا رہا اور جو صورتہائے عمل آپ کی وفات کے بعد قیامت تک کے لیے واجب التعمیل تھیں ان کو حتی الامکان ہم نے اپنی ہمت کے مطابق وضاحت سے ذکر کردیا۔ جہاں تک سفیان ثوری (رح) کا تعلق ہے ہمیں مالک بن یحییٰ نے انھوں نے ابوالنضر انھوں نے اشجعی سے انھوں نے سفیان سے بیان کیا کہ جناب رسول اللہ (صلی اللہ علیہ وآلہ وسلم) کا حصہ خمس میں خمس الخمس ہے اور خمس کے باقی چار حصے ان طبقات میں تقسیم ہوں گے جن کا اللہ تعالیٰ نے اس آیت میں ذکر کیا اور کل کے چار حصے مقاتلین کے ہوں گے۔
امام طحاوی (رح) فرماتے ہیں : یہ روایت ثابت کر رہی ہے کہ ذوی القربیٰ کا حصہ ساقط ہوگا۔ ہمارے ائمہ کا مشہور قول یہی ہے۔
ان دونوں روایات کے اتفاق سے جو بات معلوم ہوتی ہے وہ یہ ہے فئی اور خمس غنائم جب حاصل ہوجائیں تو اہل حق کو دیا جائے۔
فئی کے مصارف : وفود کے اخراجات و انعامات پھر ان سے جو بچ رہے وہ خمس غنائم کو جہاں خرچ کیا جاتا ہے وہیں صرف کیا جائے۔ ان میں کچھ فرق نہیں۔
خمس غنائم اور فئی کی وہ صورتیں جن پر جناب رسول اللہ (صلی اللہ علیہ وآلہ وسلم) کے زمانہ میں وفات تک عمل ہوتا رہا اور جو صورتہائے عمل آپ کی وفات کے بعد قیامت تک کے لیے واجب التعمیل تھیں ان کو حتی الامکان ہم نے اپنی ہمت کے مطابق وضاحت سے ذکر کردیا۔ اللّٰہ نسال التوفیق۔
حضرت سفیان ثوری (رح) کا مسلک :
جہاں تک سفیان ثوری (رح) کا تعلق ہے ہمیں مالک بن یحییٰ نے انھوں نے ابوالنضر انھوں نے اشجعی سے انھوں نے سفیان سے بیان کیا کہ جناب رسول اللہ (صلی اللہ علیہ وآلہ وسلم) کا حصہ خمس میں خمس الخمس ہے اور خمس کے باقی چار حصے ان طبقات میں تقسیم ہوں گے جن کا اللہ تعالیٰ نے اس آیت میں ذکر کیا اور کل کے چار حصے مقاتلین کے ہوں گے۔
حاصل روایت : اس باب میں طویل الذیل تفصیلات کے بعد امام ابوحنیفہ (رح) اور ابویوسف (رح) اور محمد (رح) کے معروف مسلک کو راجح قرار دیا۔ جس میں ذوی القربیٰ کا حصہ وفات سے ساقط ہے۔ (واللہ اعلم) (مترجم)