٥٣٢٦: مسلمہ بن نعیم نے اپنے والد سے نقل کیا کہ میں جناب نبی اکرم (صلی اللہ علیہ وآلہ وسلم) کی خدمت میں اس وقت موجود تھا جبکہ آپ کے پاس مسیلمہ کا قاصد خط لے کر آیا جناب رسول اللہ (صلی اللہ علیہ وآلہ وسلم) نے ان دونوں کو فرمایا کیا تم دونوں اسی طرح کہتے ہو جیسے وہ کہتا ہے ؟ انھوں نے ہاں کہہ کر اقرار کیا۔ تو جناب رسول اللہ (صلی اللہ علیہ وآلہ وسلم) نے فرمایا اگر یہ قاعدہ نہ ہوتا کہ قاصدوں کو قتل نہیں کیا جاتا تو میں تم دونوں کی گردن اڑا دیتا۔ بنو بکر اور بنو خزاعہ کے باہمی پیش آنے والے قتال سے اہل مکہ کے صلح سے نکل جانے کی دلیل ہے۔
نمبر ١ قریش نے بنو بکر کی مدد کی۔
نمبر ٢ ابو سفیان نے تجدید معاہدہ کی درخواست کی اور جب اہل مکہ سے اس سلسلہ میں دریافت کیا گیا تو انھوں نے اس کو صلح کی تاکید قرار دیا۔ اگر صلح ٹوٹی نہ تھی تو قریش کو اس کی چنداں ضرورت نہ تھی۔
نمبر 3: اور دوسری طرف حضرت ابوبکر ‘ عمر ‘ علی ‘ فاطمہ (رض) اجمعین سے ابو سفیان ہرگز اس کا سوال نہ کرتا جبکہ انھوں نے یہی جواب دیا کہ جب وہ صلح وامان میں ہیں تو مزید صلح وامان کی چنداں ضرورت نہیں۔
نمبر 4: نیز یہ عمرو بن سالم خزاعی قسم دے کر جناب رسول اللہ (صلی اللہ علیہ وآلہ وسلم) کے سامنے ذکر کرتا ہے جیسا عکرمہ زہری کی روایت میں موجود ہے اور آپ سے مدد کا سوالی ہے یاددہانی کا ایک شعر یہ ہے۔ ان قریشا اخلفوک الموعدا۔ ونقضوا میثاقک المؤکدا ۔ اس شعر کو سن کر جناب رسول اللہ (صلی اللہ علیہ وآلہ وسلم) نے ذرا انکار نہیں فرمایا۔ پھر عمر بن سالم قریش کے عہد توڑنے کی وضاحت کرتا ہے کہ قریش نے جس بات پر معاہدہ کیا تھا اسی کو توڑ ڈالا۔ شعر یہ ہے۔ وہم اتونا بالوتیر ہجدا۔ فقتلونا رکعا سجدا۔ اور اس شعر میں قریش کے علاوہ بنو نفاثہ وغیرہ کسی کا تذکرہ نہیں کیا۔
نمبر 5: پھر حضرت حسان بن ثابت (رض) نے روایت عکرمہ میں وہی مفہوم ذکر کیا جو عمرو بن سالم خزاعی نے اپنے شعر میں جناب رسول اللہ (صلی اللہ علیہ وآلہ وسلم) کو یاد دلایا۔ اس سے یہ ثابت ہو رہا ہے کہ بنو کعب کے لوگوں کو قریش کا عہد توڑنا پہنچا جس کی وجہ سے بطن مکہ میں معاہدے سے نکل گئے حضرت حسان (رض) فرماتے ہیں اتانی ولہو اشہد ببطحاء مکہ۔ رجال بنی کعب تحزرقابہا۔
نمبر 6: پھر حضرت حسان قریش اور اس کے لوگوں کا تذکرہ کیا جو اس کا باعث بنے فیالیت شعری ہل لنا لزمرۃ۔ سہیل بن عمرو حولہا وعقابھا۔ بعض نے ہل لنالزمرۃ کی بجائے تنالن نصرتی ذکر کیا اور حولہا کی بجائے حرھا ذکر کیا۔ مطلب یہ ہے کاش سہیل بن عمرو کے گروہ کو معلوم ہوجاتا کہ ہمارے لیے ان پر قابو اور سزا دینے کا اختیار ہے یا کاش مجھے معلوم ہوجاتا کہ میری مدد کا جذبہ و جوش سہیل بن عمرو کو پہنچ جائے گا اور سہیل بن عمرو وہ شخص ہے جو جناب رسول اللہ (صلی اللہ علیہ وآلہ وسلم) کے معاہدہ میں ان کی طرف سے پیش پیش تھا۔ باقی یہاں یہ سوال کہ مکہ کو فتح کیا تو مال غنیمت نہ لیا نہ کسی کو غلام بنایا نہ زمین کو غنیمت کا مال قرار دیا۔ اس کا آسان جواب یہ ہے کہ لوگوں کو کس طرح غلام بنا سکتے تھے۔ جبکہ آپ ان کے اموال و خون کے سلسلہ میں احسان کر کے امان دے چکے تھے۔ رہا زمین مکہ کا معاملہ تو جناب رسول اللہ (صلی اللہ علیہ وآلہ وسلم) کے اس پر تعرض نہ فرمانے کی وجہ جان و مال کی طرح اس کو بھی امان دے دی تھی۔
نمبر ٢ سر زمین مکہ ان زمینوں میں شامل ہی نہیں کہ جن کو بطور غنیمت لیا جاتا ہے گویا یہ مستثنیٰ ہے۔ (واللہ اعلم) قول اوّل : کہ مکہ مکرمہ کی سرزمین میں ملکیت جاری ہوگی جیسا کہ بقیہ تمام زمینوں میں جاری ہوتی ہے یہ امام ابو یوسف (رح) کا قول ہے۔ قول ثانی : سرزمین مکہ ان زمینوں میں شامل نہیں جن پر غنائم کا حکم جاری ہو۔ کیونکہ سرزمین مکہ کا کوئی مالک نہیں یہ امام ابوحنیفہ ‘ سفیان ثوری (رح) کا مؤقف ہے۔ کتاب البیوع میں اس کا تذکرہ تفصیل سے آئے گا۔ اب دوبارہ فتح مکہ پر غلبہ کی نوعیت کی طرف بات لوٹ آئی ہے۔ آپ نے جو روایات اس سلسلہ میں ذکر کی ہیں وہ دونوں ہی منقطع ہیں جن سے احتجاج ہی درست نہیں۔
تخریج : ابو داؤد فی الجہاد باب ١٥٤‘ دارمی فی السیر باب ٥٩۔
ایک ضمنی مسئلہ
مکہ کی زمین کا حکم کیا ہے ؟
قول اوّل : کہ مکہ مکرمہ کی سرزمین میں ملکیت جاری ہوگی جیسا کہ بقیہ تمام زمینوں میں جاری ہوتی ہے یہ امام ابو یوسف (رح) کا قول ہے۔
قول ثانی : سرزمین مکہ ان زمینوں میں شامل نہیں جن پر غنائم کا حکم جاری ہو۔ کیونکہ سرزمین مکہ کا کوئی مالک نہیں یہ امام ابوحنیفہ ‘ سفیان ثوری (رح) کا مؤقف ہے۔
ایک سرسری سوال :
آپ نے جو روایات اس سلسلہ میں ذکر کی ہیں وہ دونوں ہی منقطع ہیں جن سے احتجاج ہی درست نہیں۔
جواب : حضرت ابن عباس (رض) سے بھی ایسی روایات منقول ہیں جو اس پر دلالت کرنے والی ہیں۔ ملاحظہ ہو۔