٥٣٣٦: سعید بن مقبری نے ابو شریح خزاعی (رض) سے نقل کیا کہ جب عمرو بن سعید نے عمروہ ابن زبیر کے خلاف فوج کشی کے لیے مکہ لشکر بھیجا تو ابو شریح (رض) اس کے پاس گئے اور اس سے بات کرتے ہوئے وہ بات بتلائی جو جناب رسول اللہ (صلی اللہ علیہ وآلہ وسلم) سے سنی تھی پھر وہاں سے نکل کر اپنی قوم کی مجلس میں پہنچے اور بیٹھ گئے میں ان کی خدمت میں حاضر ہو کر ان کے پاس بیٹھ گیا او انھوں نے وہ روایت بیان کی جو عمرو بن سعید کو جناب رسول اللہ (صلی اللہ علیہ وآلہ وسلم) سے نقل کر کے سنائی تھی اور پھر عمرو بن سعید نے جو اس کا جواب دیا۔ (وہ بھی ذکر کیا) ۔ ابو شریح کہنے لگے میں اس وقت جناب رسول اللہ (صلی اللہ علیہ وآلہ وسلم) کے ساتھ تھا جبکہ آپ نے مکہ فتح کیا جبکہ فتح کے دن کی صبح ہوئی تو بنو خزاعہ نے بنو ہذیل کے ایک آدمی پر زیادتی کرتے ہوئے اس کو مکہ میں شرک کی حالت میں قتل کر ڈالا۔
ابو شریح کہتے ہیں کہ جناب رسول اللہ (صلی اللہ علیہ وآلہ وسلم) ہمیں خطبہ دینے کھڑے ہوئے اور فرمایا اے لوگو ! اللہ تعالیٰ نے مکہ کو آسمان و زمین کی پیدائش سے حرام کیا ہے اور وہ قیامت تک حرام رہے گا۔ جو شخص اللہ اور آخرت کے دن پر ایمان رکھتا ہے اس کے لیے حلال نہیں کہ وہ اس میں خون ریزی کرے اور اس کے درخت کو کاٹے اور یہ کسی کے لیے مجھ سے پہلے حلال نہیں ہوا اور میرے بعد کسی کے لیے حلال نہ ہوگا اور میرے لیے بھی اسی ایک گھڑی کے لیے حلال ہوا اور اس کا مقصد بھی غضب الٰہی کا قریش پر ظاہر کرنا مقصود تھا۔
خبردار ! پھر اس کی حرمت پہلے کی طرح واپس لوٹ آئی۔
خبردار ! جو شخص تم سے کہے جناب رسول اللہ (صلی اللہ علیہ وآلہ وسلم) نے اس کو حلال کیا تو اس کو جواب دو کہ اللہ تعالیٰ نے اپنے رسول (صلی اللہ علیہ وآلہ وسلم) کے لیے اس کو حلال کیا ہے۔ تیرے لیے اس کو حلال نہیں کیا۔
اے گروہ خزاعہ اپنے ہاتھ روک لو۔ تم نے ایک آدمی مار ڈالا ہے میں ضرور اس کی دیت ادا کروں گا۔ جس آدمی نے میرے خطبے کے بعد قتل کیا۔ اس کو دو میں سے ایک چیز اختیار کرنا ہوگی اگر وہ پسند کرے تو اپنے قاتل کا خون بہا ادا کر دے اور اگر پسند کرے تو اس کی دیت ادا کرے۔
ابو شریح کہتے ہیں کہ (یہ بات سن کر وہ کہنے لگا) اے شیخ واپس چلے جاؤ۔ ہم اس کی حرمت کو تم سے زیادہ جانتے ہیں وہ (مکہ) خون بہانے والے حرمت سے رواکنے والے اور باغی (کو پکڑنے) کے لیے مانع نہیں میں نے کہا میں تو وہاں موجود تھا اور تو غائب تھا اور ہمیں جناب رسول اللہ (صلی اللہ علیہ وآلہ وسلم) نے حکم فرمایا ہے کہ ہم موجودین غائبین کو پہنچا دیں میں نے آپ کا حکم پہنچا دیا۔