٥٣٣٧: سعید مقبری بیان کرتے ہیں کہ میں نے ابو شریح خزاعی (رض) سے سنا جبکہ وہ عمرو بن سعید کو فرما رہے تھے اور وہ منبر پر بیٹھا تھا اور یہ اس وقت کی بات ہے جب اس نے ابن زبیر (رض) کے ساتھ لڑائی کے لیے لشکر روانہ کیا۔
اے صاحب ! میں نے جناب رسول اللہ (صلی اللہ علیہ وآلہ وسلم) کو فرماتے سنا کہ بیشک اللہ تعالیٰ نے مکہ کو حرام قرار دیا ہے اس کو لوگوں نے حرام قرار نہیں دیا اور اللہ تعالیٰ نے میرے لیے بھی دن کی ایک گھڑی میں لڑائی کو جائز قرار دیا اور ممکن ہے کہ میرے بعد کچھ لوگ اس میں لڑائی کو جائز و حلال قرار دیں تو جو ایسا کرے اس سے کہو ! بیشک اس کو اللہ تعالیٰ نے اس کو اپنے رسول (صلی اللہ علیہ وآلہ وسلم) کے لیے حلال قرار دیا تمہارے لیے حلال قرار نہیں دیا (اور فرمایا) تم میں سے جو موجود ہیں وہ غائب لوگوں کو یہ بات پہنچا دیں اگر آپ (صلی اللہ علیہ وآلہ وسلم) نے یہ بات نہ فرمائی ہوتی کہ حاضر غائب کو پہنچا دے تو میں تمہیں یہ بات نہ کہتا۔ عمرو بن سعید یہ سن کر کہنے لگا۔ تم بوڑھے ہوگئے جس کی وجہ سے تمہاری عقل سٹھیا گئی ہے۔ میں تو تمہیں سزا دینے کا پختہ ارادہ کرچکا۔ حضرت ابو شریح فرمانے لگے ہم ضروربضرور حق بات کہیں گے خواہ تم ہماری مشکیں کس دو ۔