٥٣٥: عبدالملک بن ابی عتبہ نے حکم سے اسی طرح کی روایت نقل کی ہے۔ پس جب نماز جنازہ اور عیدین کے فوت ہوجانے کے خطرہ سے شہروں میں تیمم جائز ہے کیونکہ ان نمازوں کا بدل نہیں اسی طرح ہم نے سلام کا جواب دینے کے لیے تیمم درست قرار دیا کیونکہ اگر وہ ایسا نہ کرے گا اور سلام کا جواب نہ دے گا تو سلام فوت ہوجائے گا اور بالفرض اگر وہ جواب بعد میں دے تو وہ سلام کرنے والے کا جواب نہ بنا اس کے علاوہ بقیہ اذکار و قراءت جن کے فوت ہونے کا خطرہ نہیں تو وہ بلا وضو کرنے کے درست نہیں۔ علماء کی ایک اور جماعت نے ان کی مخالفت کرتے ہوئے کہا ان تمام احوال میں اس کو ذکر کرنے میں چنداں حرج نہیں جب جنابت وغیرہ ہو۔ البتہ جنابت و حیض و نفاس کی حالت میں قراءت قرآن نہیں کی جاسکتی ان کی مستدل مندرجہ روایات ہیں۔
حاصل روایات : ان نو روایات سے یہ بات ظاہر ہوگئی کہ نماز جنازہ وغیرہ کے فوت ہونے کے خطرے سے تیمم کر کے جنازہ پڑھنا درست ہے بس سابقہ روایات میں یہ سلام کا جواب دینے کی نظیر ہے اس کا جواب بھی تیمم کر کے دینا جائز ہے تاکہ مسلم کا جواب پاکیزگی کی حالت میں ہو اگر وہ تیمم نہ کرے گا تو سلام فوت ہوجائے گا اور بعد میں کرنے سے وہ جواب نہ بنے گا بقیہ اذکار و قراءت قرآن میں فوت ہونے کا چنداں خطرہ نہیں پس ان کو بلاطہارت کرنا کسی صورت درست نہیں۔
فریق ثالث کا مؤقف اور مستدل روایات :
ذکر الٰہی تو جنابت وغیرہ تمام حالات میں درست ہے اور قراءت قرآن جنابت و حیض میں درست نہیں ورنہ بلاوضو درست ہے۔