٥٣٦: عمرو بن مرہ نے عبداللہ بن سلمہ سے نقل کیا کہ میں اور ایک آدمی حضرت علی (رض) کے ہاں گئے اور بنی اسد کا ایک آدمی اس موقع پر تھا ان دونوں کو حضرت علی (رض) نے کسی کام بھیجا پھر فرمایا تم دونوں خوب مضبوط دین کے اعمال محنت سے کرنا پھر بیت الخلاء گئے پھر نکلے اور پانی کا ایک چلو لیا ہاتھوں کو دھو کر قرآن مجید پڑھنے لگے تو ہمیں ان کی اس حالت پر تعجب ہوا تو وہ فرمانے لگے جناب رسول اللہ (صلی اللہ علیہ وآلہ وسلم) بیت الخلاء سے نکلتے اور ہمیں قرآن مجید پڑھاتے اور ہمارے ساتھ گوشت کھاتے اور اس سے کوئی چیز بھی آپ کو نہ روکتی بلکہ کھانے پینے سے تو جنابت بھی نہ روکتی۔
تخریج : ابو داؤد فی الطھارۃ باب ٩٠‘ نمبر ٢٢٩‘ ترمذی فی الطھارۃ باب ١١١‘ نمبر ١٤٦‘ نسائی فی الطھارۃ باب ١٧٠‘ ابن ماجہ فی الطھارۃ باب ١٠٥‘ نمبر ٥٩٤‘ مسند احمد ١؍١٠٧‘