٥٤٦٤: عروہ بن زبیر کہتے ہیں کہ سہل بن ابی حثمہ انصاری (رض) نے بتلایا کہ حضرت زید بن ثابت (رض) فرمایا کرتے تھے کہ لوگ جناب رسول اللہ (صلی اللہ علیہ وآلہ وسلم) کے زمانہ مبارک میں پھلوں کی تجارت کرتے جب فروخت کرنے والا خریدار سے رقم کا تقاضا کرتا تو وہ کہتا کہ پھل تو کسی آفت یا بیماری کی وجہ سے خراب ہوگیا ہے کھجور تری کی وجہ سے خراب ہوگئی کھجور کا رنگ خاکستری ہوگیا گرنے کی وجہ سے پھل خراب ہوگیا پھر سرخ پڑ کر رطوبت جاتی رہی۔ یہ تمام کھجور کو پہنچنے والی بیماریاں تھیں جن سے وہ لوگ حجت کرنے لگے تو جناب رسول اللہ (صلی اللہ علیہ وآلہ وسلم) نے جھگڑوں کی کثرت کے پیش نظر اس بات سے منع فرمایا کہ اس وقت تک بیع نہ کرو جب تک پھل کی صلاحیت ظاہر نہ ہو۔ اس باب کے شروع میں ممانعت والی روایات اس معنی کے اعتبار سے ہیں۔ ظاہر سے متبادر مفہوم مراد نہیں ہے۔
اس باب کے شروع میں ممانعت والی روایات اس معنی کے اعتبار سے ہیں ‘ ظاہر سے متبادر مفہوم مراد نہیں ہے۔
حاصل کلام : اس باب میں امام طحاوی (رح) نے امام ابوحنیفہ (رح) اور ابو یوسف (رح) کے قول کو راجح قرار دیا اور آخر میں حضرت زید بن ثابت (رض) والی روایت پیش کی اگر اس کو اختیار کیا جائے تو کسی جواب کی ضرورت نہیں رہتی۔ واللہ اعلم۔