٥٩٣٨: مطرف بن شخیر نے عیاض بن حمار مجاشعی (رض) سے روایت کی ہے کہ جناب رسول اللہ (صلی اللہ علیہ وآلہ وسلم) نے فرمایا جو آدمی گری پڑی چیز اٹھائے اسے اس پر دو گواہ بنا لینے چاہئیں جو عدل والے ہوں اور چیز کو نہ چھپائے اور نہ بدلے اگر اس کا مالک آجائے تو مناسب ہے ورنہ وہ اللہ تعالیٰ کا مال ہے جس کو چاہے دے دے۔ (مستحق کو) جب اس طور پر لقطہ کو لینا مباح ہے تو گمشدہ کو پکڑنے کا بھی یہی حکم ہے ان دونوں کو لینا جائز نہیں جبکہ غرض اس سے مختلف ہو۔ حضرت ابی بن کعب (رض) کا لقطہ کے متعلق ارشاد ہے ‘ گری پڑی چیز کو لے لیا جائے اور درندوں کے لیے نہ چھوڑا جائے۔
تخریج : ابو داؤد فی اللقطہ باب ١‘ ابن ماجہ فی اللقطہ باب ٢‘ مسند احمد ٤‘ ٢٦٦؍١٦٢۔