٥٩٧: عروہ نے کہا حضرت عائشہ (رض) بیان کرتی ہیں کہ ام حبیبہ بنت جحش (رض) کو ایام نبوت میں استحاضہ کی حالت ہوگئی تھی تو اس کو جناب رسول اللہ (صلی اللہ علیہ وآلہ وسلم) نے ہر نماز کے لیے غسل کا حکم فرمایا۔ امام طحاوی (رح) فرماتے ہیں کہ علماء کی ایک جماعت کی رائے یہ ہے کہ مستحاضہ ایّام حیض میں نماز چھوڑ دے پھر ہر ہر نماز کے لیے غسل کرے۔ انھوں نے اپنی دلیل میں حضرت امّ حبیبہ بنت جحش (رض) کے عمل اور جناب رسول اللہ (صلی اللہ علیہ وآلہ وسلم) کے اقوال کو پیش کیا۔
تخریج : ابو داؤد فی الطھارۃ باب ١١٠‘ ٢٩٢۔