٦٠٦٣: ابن ابی ملیکہ نے حضرت ابن زبیر (رض) سے روایت کی ہے کہ بنو تمیم قبیلہ کے کچھ سوار جناب رسول اللہ (صلی اللہ علیہ وآلہ وسلم) کی خدمت میں حاضر ہوئے حضرت ابوبکر (رض) کہنے لگے کہ یارسول اللہ (صلی اللہ علیہ وآلہ وسلم) ان کا امیر قعقاع بن معبد بن زرارہ کو بنائیں جبکہ حضرت عمر (رض) نے عرض کیا کہ اقرع بن جابس کو ان پر امیر مقرر فرمائیں حضرت ابوبکر (رض) کہنے لگے آپ نے اس بات سے میری مخالفت کا ارادہ کیا ہے۔ حضرت عمر (رض) نے کہا میں آپ کی مخالفت کرنا نہیں چاہتا دونوں کے مابین نزاع ہوا یہاں تک کہ دونوں کی آوازیں بلند ہوئیں تو اللہ تعالیٰ نے یہ آیت کریمہ اتاری ” یا ایہا الذین امنوا۔۔۔“ (الحجرات : ١) اللہ اور اس کے رسول (صلی اللہ علیہ وآلہ وسلم) سے پیش دستی مت کرو۔
تخریج : بخاری فی المغازی باب ٦٨‘ تفسیر سورة ٤٩‘ باب ٢‘ نسائی فی القضاۃ باب ٦۔
روایت جابر (رض) کا جواب : روایت جابر (رض) دیگر الفاظ سے مروی ہے وہ اس طرح ہے۔