٦٠٦٤: حضرت جابر (رض) روایت کرتے ہیں کہ ایک صحابی (رض) نے جناب نبی اکرم (صلی اللہ علیہ وآلہ وسلم) کے نماز عید ادا کرنے سے پہلے بکری کا چھ ماہ کا بچہ ذبح کرلیا تو جناب رسول اللہ (صلی اللہ علیہ وآلہ وسلم) نے فرمایا تمہارے بعد یہ کسی کے لیے یہ جائز نہیں اور آپ نے نماز عید سے پہلے ذبح سے ممانعت فرمائی۔ امام طحاوی (رح) فرماتے ہیں : اس روایت سے معلوم ہوا کہ نہی سے مقصود عید کی نماز سے پہلے ذبح کی ممانعت ہے یہ مراد نہیں کہ آپ کے ذبح سے پہلے کوئی جانور ذبح نہ کیا جائے اور نماز پڑھنے سے پہلے ممانعت ذبح کا صاف مطلب یہ ہے نماز عید سے پہلے ذبح جائز نہ ہوگا آپ کے اعلان کا مقصد یہ تھا کہ نماز کے بعد ذبح کیا جائے ورنہ اس موقعہ پر نماز کے تذکرہ کا کوئی مطلب نہیں اور حضرت جابر (رض) کے علاوہ دیگر صحابہ سے بھی اس معنی کی موافقت منقول ہے۔ (روایت برائ (رض) ملاحظہ ہو)
تخریج : مسند احمد ٣؍٣٦٤۔