٦١٩٩: ابو عوانہ نے حسن نے پھر انھوں نے اپنی اسناد سے روایت کی ہے البتہ انھوں نے ثابت بن ودیعہ نام بتایا ہے۔ امام طحاوی (رح) کہتے ہیں : یہ روایت پہلی روایت کے خلاف ہے کیونکہ اس روایت میں یہ ہے کہ جناب رسول اللہ (صلی اللہ علیہ وآلہ وسلم) نے ان کو کھانے سے منع نہیں فرمایا البتہ پہلی روایت کی طرح مسخ شدہ ہونے کا خدشہ ظاہر کیا گیا عدم ممانعت کی وجہ یہ بھی ہوسکتی ہے کہ وہ سخت بھوک میں مبتلا تھے اور ضرورت کے لیے اس کا کھانا ان کے لیے مباح ہوا۔ اب ہم ان دونوں روایات کے علاوہ دیگر روایات کی طرف رجوع کرتے ہیں چنانچہ ابراہیم مرزوق کی روایت ملاحظہ فرمائیں۔