٦٣٥٣: سعید بن جبیر کہتے ہیں کہ میں ابن عمر (رض) کو فرماتے سنا کہ جناب رسول اللہ (صلی اللہ علیہ وآلہ وسلم) نے گھڑے والے نبیذ کو حرام کیا۔ سعید کہتے ہیں کہ میں ابن عباس (رض) کے پاس آیا اور ان سے کہا کیا آپ نے ابن عمر (رض) کا قول سنا ؟ انھوں نے کہا وہ کیا کہتے ہیں میں نے کہا وہ کہتے ہیں کہ جناب رسول اللہ (صلی اللہ علیہ وآلہ وسلم) نے گھڑے کی نبیذ کو حرام قرار دیا ہے۔ انھوں نے کہا۔ ابن عمر (رض) نے سچ کہا جناب رسول اللہ (صلی اللہ علیہ وآلہ وسلم) نے گھڑے میں بنائے ہوئے نبیذ کو حرام قرار دیا۔