٦٣٥٤: ابوالحکم کہتے ہیں کہ میں نے حضرت ابن عباس (رض) سے نبیذ کے متعلق دریافت کیا تو کہنے لگے جناب رسول اللہ (صلی اللہ علیہ وآلہ وسلم) نے گھڑے کی نبیذ ‘ کدو کے برتن اور تارکول والے برتن کی نبیذ کو منع فرمایا۔ ابوالحکم کہتے ہیں کہ میں نے ابن الزبیر سے دریافت کیا تو انھوں نے اسی طرح کہا اور میں نے ابن عمر (رض) سے سوال کیا تو انھوں نے کہا جناب رسول اللہ (صلی اللہ علیہ وآلہ وسلم) نے گھڑے کدو کے برتن تارکول والے برتن کے نبیذ سے منع فرمایا اور کہنے لگے میرے بھائی نے مجھے حضرت ابو سعید الخدری (رض) سے انھوں نے جناب نبی اکرم (صلی اللہ علیہ وآلہ وسلم) سے اسی طرح کی روایت کی ہے۔