٧٠٣: اعرج نے ابوہریرہ (رض) سے نقل کیا کہ جناب رسول اللہ (صلی اللہ علیہ وآلہ وسلم) نے فرمایا جو ڈھیلے سے استنجاء کرے تو وہ طاق کا لحاظ رکھے۔
تخریج : بخاری فی الوضوء باب ٢٥‘ ٢٦‘ مسلم فی الطھارۃ روایت ٢٠؍٢٢‘ ابو داؤد فی الطھارۃ باب ١٩‘ ترمذی فی الطھارۃ باب ٢١‘ مالک فی الطھارۃ ٤‘ مسند احمد ٢؍٢٣٦‘ ٢٥٤‘ ٢٧٧‘ ٢٧٨‘ ٣٠٨‘ ٣١٥‘ ٣١٤‘ ٣٣٩‘ ٣٤٠‘۔
خلاصہ الزام : استجمار۔ ڈھیلوں سے استنجاء کرنا اس میں گندگی کے مقام کی صفائی تو بالاتفاق واجب ہے اور طاق عدد کا لحاظ بہتر ہے آیا تین ڈھیلے ضروری ہیں یا کم و بیش ہوسکتے ہیں اس میں اختلاف ہے اسی کو یہاں بیان کرتے ہیں امام شافعی ‘ احمد (رح) کے ہاں تین پتھروں کا استعمال لازم ہے امام مالک ‘ ابوحنیفہ اور دیگر ائمہ کے ہاں تین ڈھیلے مستحب ہیں۔