٧١١٦: عبدالحمید بن جعفر نے یزید بن ابی حبیب سے پھر انھوں نے اپنی اسناد سے اسی طرح روایت نقل کی ہے۔ ان آثار میں یہود و نصاریٰ کو سلام میں ابتداء کرنے سے ممانعت پائی جاتی ہے اور روایت اول میں جناب نبی اکرم (صلی اللہ علیہ وآلہ وسلم) نے بقول اسامہ یہود کو سلام کیا۔ ان روایات میں یہ احتمالات ہیں۔ یہ ممکن ہے کہ جناب نبی اکرم (صلی اللہ علیہ وآلہ وسلم) نے اپنے سلام سے ان لوگوں کا ارادہ فرمایا ہو جو وہاں مسلمان موجود تھے اور مشرکین یہود و نصاریٰ کا ارادہ ہی نہ فرمایا ہو۔ تاکہ ان آثار میں باہمی تضاد نہ رہے اور تاویل بھی درست ہوجائے۔ یہ بھی ممکن ہے کہ آدمی پوری جماعت کو سلام کرے اور مراد بعض ہوں۔ ممکن ہے کہ آپ نے سب کو سلام کیا ہو۔ کیونکہ اس وقت تک ان سے احسن طریق سے ان کے ساتھ مجادلہ کا حکم تھا قتال اور علیحدگی کا حکم بعد میں وارد ہوا۔ اس سے آپ کے سلام والی روایات منسوخ ہوگئیں۔
ایک احتمال کی تعیین :