٧١٧٠ : مجاہد نے مورق سے ‘ انھوں نے حضرت ابوذر (رض) سے ‘ انھوں نے جناب نبی کریم (صلی اللہ علیہ وآلہ وسلم) سے اسی طرح روایت نقل کی ہے۔ امام طحاوی (رح) کہتے ہیں : بعض لوگ اس طرف گئے ہیں کہ مالک اپنے اور غلام کے درمیان کھانے اور پہننے میں برابری کرے انھوں نے ان روایات سے جو ابوالولید اور ابو ذر (رض) سے نقل ہو کر آئی ہیں ‘ استدلال کیا ہے وسرے فریق کا مؤقف ہے کہ مالک پر غلام کا حق یہ ہے کہ وہ اسے کھانا اور کپڑے دے اور بس اور یہ اپنی وسعت کی حد تک دے۔ ان کی دلیل یہ روایات ہیں۔