٧٥٨: یحییٰ بن ایوب و نافع بن یزید نے اسی طرح ابن الھاد عن عبداللہ بن خباب (رض) اور ابو سعید خدری (رض) سے روایت نقل کی ہے کہ میں نے عرض کیا یارسول اللہ (صلی اللہ علیہ وآلہ وسلم) ! اگر میں اپنے اہل سے تمتع کروں اور سونے کا ارادہ ہو تو کیا حکم ہے فرمایا وضو کر کے سو جاؤ۔ جناب رسول اللہ (صلی اللہ علیہ وآلہ وسلم) سے اس بارے میں کہ جنابت والا جب سونے کا ارادہ کرے (تو وضو کر کے سوئے) اس سلسلہ میں روایات متواتر ہیں اور صحابہ کرام (رض) کی ایک جماعت نے آپ کے بعد اس کو بیان کیا ان میں حضرت عائشہ صدیقہ (رض) ہیں ‘ ہم نے ان کی رائے اس سلسلہ میں زید بن ثابت سے روایت کی ہے۔
تخریج : ابن ماجہ فی الطھارۃ باب ٩٩‘ نمبر ٥٨٦۔