٨٠٨: عبدالعزیز بن رفیع نے کہا کہ میں نے ابو محذورہ (رض) کو سنا کہ وہ مثنیٰ مثنیٰ اذان اور اقامت کہتے تھے۔
اور یہی بات صحابہ کرام (رض) کے علاوہ جلیل القدر تابعی مجاہد سے بھی ثابت ہے۔ ملاحظہ ہو۔
یحییٰ بن سعید ‘ مجاہد (رح) سے نقل کرتے ہیں کہ اقامت ایک ایک مرتبہ یہ امراء نے تخفیف کی ہے اور یہ تو ایجاد کردہ چیز ہے اصل اس میں مثنیٰ مثنیٰ یعنی دو دو مرتبہ ہے۔
حاصل روایات : عموماً اپنی طرف سے نظر پیش کی جاتی ہے یہ پہلا موقعہ ہے کہ فریق مخالف کی طرف سے نظر پیش کر کے پھر اس کی نظر سے تردید کی ہے اور عموماً باب کے آخر میں نظر طحاوی لائے ہیں جبکہ یہاں باب کے آخر میں تائیدی روایات لائے۔