٩١١: شعبہ نے قتادہ سے اور انھوں نے ابو ایوب سے اور انھوں نے عبداللہ بن عمرو (رض) سے اسی طرح روایت نقل کی ہے۔ پس ان آثار و روایات سے یہ بات ثابت ہوئی کہ ثلث شب کے بعد والا وقت بھی عشاء کا وقت ہے اور اس پر یہ روایات دلالت کر رہی ہیں۔
شعبہ کہتے ہیں مجھے قتادہ نے تین مرتبہ یہ روایت نقل کی ایک مرتبہ رفع کے ساتھ اور دو مرتبہ بغیر رفع کے نقل کی۔
حاصل روایات : ان روایات سے یہ بات ظاہر ہو رہی ہے کہ ثلث لیل کے بعد بھی عشاء آخرہ کا وقت باقی ہے۔