٩١٢: حکم نے نافع سے اور انھوں نے ابن عمر (رض) سے روایت نقل کی ہے کہ ایک رات ہم جناب رسول اللہ (صلی اللہ علیہ وآلہ وسلم) کا انتظار نماز عشاء کے سلسلے میں کرتے رہے آپ اس وقت نکلے جب رات کا تیسرا حصہ گزر گیا یا اس کے بعد کا وقت آگیا ہمیں معلوم نہیں کہ گھر میں آپ کو کیا مشغولیت وغیرہ تھی جب آپ باہر تشریف لائے تو فرمایا بلاشبہ تم تو ایک نماز کا انتظار کر رہے ہو اور تمہارے علاوہ اور کسی دین والے نماز کا انتظار نہیں کر رہے اگر امت پر گرانی کا خطرہ نہ ہوتا تو میں ان کو (ہر روز) اسی وقت نماز پڑھاتا پھر آپ نے مؤذن کو حکم دیا پھر اس نے اقامت کہی اور آپ نے جماعت کرائی۔
تخریج : بخاری فی المواقیت باب ٢٢‘ اذان باب ١٦٢‘ نسائی فی المواقیت باب ٢١۔