٩١٤: زہری نے عروہ سے اور انھوں نے حضرت عائشہ (رض) سے نقل کیا جناب رسول اللہ (صلی اللہ علیہ وآلہ وسلم) نے عشاء کی نماز میں تاخیر کردی تو عمر (رض) نے بلند آواز سے آواز دی کہ لوگ اور بچے سو گئے تو جناب رسول اللہ (صلی اللہ علیہ وآلہ وسلم) باہر تشریف لائے اور فرمایا اس نماز کا انتظار اہل زمین میں سے کوئی بھی تمہارے سوا نہیں کررہا حضرت عائشہ (رض) فرماتی ہیں کہ ان دنوں صرف مدینہ منورہ میں ہی نماز ہوتی تھی اور صحابہ کرام (رض) عشاء کی نماز اندھیرا چھا جانے کے بعد ثلث لیل تک پڑھتے تھے۔ (اس دن خلاف عادت تاخیر ہوئی) ۔
تخریج : بخاری مواقیت الصلاۃ باب ٢٢‘ الاذان باب ١٦٢‘ نسائی فی المواقیت باب ٢١‘ مسند احمد ٦؍١٩٩‘ ٢١٥‘ ٢٧٢۔