٩١٣: زائدہ بن سلیمان نے ابو سفیان سے اور انھوں نے جابر (رض) سے نقل کیا کہ جناب رسول اللہ (صلی اللہ علیہ وآلہ وسلم) نے ایک لشکر تیار فرمایا یہاں تک کہ آدھی رات کا وقت تیاری میں گزرا یا اس کے قریب جناب رسول اللہ (صلی اللہ علیہ وآلہ وسلم) ہمارے پاس نکل کر تشریف لائے اور فرمایا لوگ نماز پڑھ کر سو رہے اور تم ابھی اس نماز کے انتظار میں ہو خبردار ! تم نماز میں شمار ہوتے ہو جب تک نماز کا انتظار کرتے ہو۔
تخریج : بخاری فی الاذان باب ٣٦‘ المواقیت باب ٢٥‘ نسائی فی المواقیت باب ٢١‘ مسند احمد ٣؍٥‘ ١٨٩؍٢٠٠۔