٩٨٩: ابوالاشہب نے بیان کیا کہ میں نے جابر بن زید سے قنوت کے متعلق دریافت کیا تو کہنے لگے نماز ساری قنوت ہے باقی جو تم کرتے ہو مجھے معلوم نہیں وہ کیا ہے۔ یہ حضرت زید بن ارقم اور دیگر حضرات جن کا ہم نے ذکر کیا یہ بتلا رہے ہیں کہ جس قنوت کا اس آیت میں تذکرہ ہے اس سے مراد سکوت ہے جب کہ یہ لوگ نماز میں پہلے گفتگو کرتے تھے۔ پس اس طریقے سے یہ آیت اس بات کی دلیل نہ رہے گی کہ اس سے صبح والا قنوت مراد لیا جائے اور بعض حضرات نے تو اس سے بھی انکار کردیا کہ ابن عباس (رض) نماز صبح میں قنوت پڑھتے ہوں۔ ہم نے باب القنوت میں اسناد سے یہ روایت لکھی ہے کہ اگر یہ قنوت مذکورہ نماز صبح والا ہو تو آپ اس کو ترک نہ فرماتے کیونکہ اس کا حکم تو قرآن نے دیا ہے اور ابن عباس (رض) سے مروی ہے کہ جس کی طرف ابن عباس (رض) گئے ہیں وہ ایک دوسری دلیل ہے ‘ ملاحظہ ہو۔
حاصل روایات : یہ حضرت زید بن ارقم انصاری (رض) اور ان کے ساتھ سفیان ثوری عامر شعبی ‘ مجاہد ‘ جابر بن زید (رح) سب بالاتفاق کہہ رہے ہیں کہ اس آیت میں قنوت سے سکوت اور طاعت مراد ہے دعاء قنوت مراد نہیں کہ جس کی بنیاد پر روایت ابن عباس (رض) میں صلوۃ وسطیٰ پر استدلال کیا جائے اور فجر کو صلوۃ وسطیٰ قرار دیا جائے۔
روایت ابن عباس (رض) کا جواب :
یہ بھی ہوسکتا ہے کہ ابن عباس (رض) فجر میں قنوت نہ پڑھتے تھے جیسا کہ باب القنوت میں آئے گا وہ کبھی کبھار پڑھتے تھے اگر دعاء قنوت مراد تھی تو ہمیشہ پڑھنی چاہیے تھی اس کو کسی وقت نہ چھوڑتے کیونکہ قرآن کی نص کا حکم تو ہر وقت لازم ہے۔
ایک اور انداز :
سے عرض یہ ہے حضرت ابن عباس (رض) نے اس کا دوسر ا معنی بیان کیا ہے روایت ملاحظہ ہو۔