٩٩٦ : عمرو بن رافع سے روایت ہے کہ مصحف حفصہ (رض) میں لکھا تھا : حَافِظُوْا عَلَی الصَّلَوَاتِ وَالصَّلَاۃِ الْوُسْطٰی، وَہِیَ صَلَاۃُ الْعَصْرِ سے۔ ماقبل روایات میں آیت { حافظوا علی الصلٰوات۔۔۔} کا جو مفہوم ہم نے بیان کیا کہ نماز عصر کو نماز وسطیٰ کہا گیا ہے۔ پس اس سے ان حضرات کی بات ثابت ہوگئی جو نماز وسطیٰ نمازِ عصر کو قرار دیتے ہیں اور حضرت براء بن عازب (رض) سے ایسی روایت آئی ہے جو حضرت حفصہ اور حضرت عائشہ صدیقہ (رض) کی روایت کی ناسخ معلوم ہوتی ہے۔
ہم نے پہلے آثار کی جو تاویل حَافِظُوْا عَلَی الصَّلَوَاتِ وَالصَّلَاۃِ الْوُسْطٰی، وَہِیَ صَلَاۃُ الْعَصْرِ کے سلسلہ میں کی ہے کہ اس آیت میں صلوٰۃ عصر کا نام ہی صلوٰۃ عصر اور صلوٰۃ وسطیٰ رکھا گیا۔ چنانچہ اس سے ان لوگوں کی بات ثابت ہوگئی جو یہ کہتے ہیں کہ یہ صلوٰۃ عصر ہے۔