Sunan Al Bayhaqi: Hadith 11960

(١١٩٥٥) حضرت ابن عمر (رض) فرماتے ہیں : ہم ایک سفر میں نبی کریم (صلی اللہ علیہ وآلہ وسلم) کے ساتھ تھے، میں عمر (رض) کے ایک جوان، سرکش اونٹ پر سوار تھا، وہ مجھ پر غلبہ پا جاتا اور سب لوگوں سے آگے گزر جاتا۔ حضرت عمر (رض) اسے واپس پیچھے لوٹا دیتے۔ نبی (صلی اللہ علیہ وآلہ وسلم) نے حضرت عمر (رض) سے کہا : مجھے بیچ دو ۔ عمر (رض) نے کہا : اے اللہ کے رسول ! آپ کا ہی ہے۔ آپ (صلی اللہ علیہ وآلہ وسلم) نے کہا : مجھے بیچ دو ۔ عمر (رض) نے رسول اللہ (صلی اللہ علیہ وآلہ وسلم) کو بیچ دیا، رسول اللہ (صلی اللہ علیہ وآلہ وسلم) نے فرمایا : اے عبداللہ ! یہ آپ کا حصہ ہے جو مرضی ہے اس سے کرو۔