Sunan Al Bayhaqi: Hadith 1473

(١٤٧٤) سیدنا ابو سعید خدری (رض) سے روایت ہی کہ نبی (صلی اللہ علیہ وآلہ وسلم) عید الاضحی یا عیدالفطر کو عید گاہ کی طرف نکلے، پھر نماز سے فارغ ہوئی تو لوگوں کو نصیحت کی اور ان کو صدقے کا حکم دیا، آپ (صلی اللہ علیہ وآلہ وسلم) نے فرمایا :” اے لوگو ! صدقہ کرو “ پھر آپ (صلی اللہ علیہ وآلہ وسلم) واپس عورتوں کی طرف تشریف لے گئے اور فرمایا :” اے عورتوں کی جماعت ! صدقہ کرو۔ میں نے تمہاری اکثریت کو آگ میں دیکھا ہے “ انھوں نے کہا غ اے اللہ کے رسول ! کیوں ؟ آپ (صلی اللہ علیہ وآلہ وسلم) نے فرمایا : ” تم اکثر لعن طعن کرتی رہتی ہو اور خاوندوں کی ناشکری کرتی رہتی ہو میں نے نہیں دیکھا کہ کم عقل اور کم دین والی عقلمند آدمی کی عقل کو لے جاتیں ہوں مگر تمہیں اے عورتوں کی جماعت۔ انھوں نے آپ (صلی اللہ علیہ وآلہ وسلم) سے کہا : ہماری عقل اور دین کا کیا نقصان ہے ؟ آپ (صلی اللہ علیہ وآلہ وسلم) نے فرمایا : کیا عورت کی گواہی مرد کی گواہی کا نصف نہیں ہے ؟ انھوں نے کہا : کیوں نہیں۔ آپ (صلی اللہ علیہ وآلہ وسلم) نے فرمایا : یہ تمہاری عقل کا نقصان ہے اور کیا ایسا نہیں کہ جب عورت حائضہ ہوتی ہے تو نہ نماز پڑھتی ہے اور نہ روزے رکھتی ہیں ؟ انھوں نے کہا : کیوں نہیں۔ آپ (صلی اللہ علیہ وآلہ وسلم) نے فرمایا : ” یہ تمہارے دین کا نقصان ہے۔ “