Sunan Al Bayhaqi: Hadith 14988

(١٤٩٨٢) محمد بن عبدالرحمن بن ثوبان محمد بن ایاس بن بکیر سے نقل فرماتے ہیں کہ ایک شخص نے دخول سے پہلے اپنی بیوی کو تین طلاقیں دے دیں۔ پھر اس کا اسی عورت سے نکاح کا ارادہ بنا تو وہ فتویٰ پوچھنے آیا تو میں اس کے ساتھ گیا تاکہ اس کے لیے سوال کروں۔ اس نے ابوہریرہ (رض) اور عبداللہ بن عباس (رض) سے اس بارے میں سوال کیا تو فرماتے ہیں : ہمارا خیال نہیں کہ آپ اس عورت سے شادی کرسکیں جب تک وہ کسی دوسرے خاوند سے نکاح نہ کرے۔ اس نے کہا کہ میری جانب سے اس کو صرف ایک طلاق تھی۔ ابن عباس (رض) فرماتے ہیں : آپ نے اپنے ہاتھ سے اپنی جانب سے زائد طلاقیں بھیجی ہیں۔
(ب) (معاویہ بن ابی عیاش انصاری حضرت عبداللہ بن عباس (رض) سے نقل فرماتے ہیں کہ انھوں نے تین طلاقوں کو جائز بھی رکھا اور جاری بھی کردیا۔