Sunan Al Bayhaqi: Hadith 169

(١٧٠) ام المومنین سیدہ عائشہ (رض) نے رسول اللہ (صلی اللہ علیہ وآلہ وسلم) کی بیماری کا قصہ بیان کیا، آپ فرماتی ہیں کہ عبد الرحمن بن ابوبکر داخل ہوئے، ان کے پاس مسواک تھی جو وہ کر رہے تھے، رسول اللہ (صلی اللہ علیہ وآلہ وسلم) نے ان کی طرف دیکھا، میں نے ان سے کہا : اے عبدالرحمن ! یہ مسواک مجھے دے دو تو انھوں نے (وہ مسواک) مجھے دے دی، پھر میں نے اس کو چبایا پھر اس کو دھویا اس کے بعد میں نے (وہ مسواک) رسول اللہ (صلی اللہ علیہ وآلہ وسلم) کو دے دی۔ آپ (صلی اللہ علیہ وآلہ وسلم) نے مسواک کی اور آپ (صلی اللہ علیہ وآلہ وسلم) میرے سینے کے ساتھ ٹیک لگائے ہوئے تھے۔