Sunan Al Bayhaqi: Hadith 18103

(١٨٠٩٧) حضرت انس بن مالک (رض) فرماتے ہیں کہ رسول اللہ (صلی اللہ علیہ وآلہ وسلم) خیبر آئے تو رات کے وقت پہنچے۔ آپ (صلی اللہ علیہ وآلہ وسلم) جب بھی کسی قوم کے پاس رات کے وقت آتے تو صبح سے پہلے حملہ نہیں فرماتے تھے۔ جب صبح ہوئی تو یہودی اپنے زرعی سازو سامان کے ساتھ نکلے۔ جب انھوں نے آپ (صلی اللہ علیہ وآلہ وسلم) کے لشکر کو دیکھا تو کہنے لگے : اللہ کی قسم ! محمد اور اس کا لشکر۔ آپ (صلی اللہ علیہ وآلہ وسلم) نے فرمایا : اللہ بہت بڑا ہے، خیبر ہلاک ہوگیا، یعنی وہاں کے رہنے والے۔ جب ہم کسی قوم کے پاس صبح کے وقت آتے ہیں تو ڈرائے گئے کی صبح بری ہوتی ہے۔