Sunan Al Bayhaqi: Hadith 18733

(١٨٧٢٧) حضرت ابو موسیٰ اشعری فرماتے ہیں کہ حضرت عمر (رض) نے انھیں حکم دیا کہ وہ چمڑے میں لکھی ہوئی تحریر لیکر آئے اور حضرت موسیٰ کا کاتب عیسائی تھا جو ان کے پاس لیکر آیا۔ حضرت عمر (رض) نے تعجب کیا تو ابو موسیٰ نے کہا : یہ اس کا حافظ ہے حضرت عمر (رض) نے کہا : مسجد میں ایک خط موجود ہے جو شام سے آیا ہے، اس کو بلاؤ یہ پڑھے۔ ابو موسیٰ کہنے لگے : یہ مسجد میں داخل نہیں ہوسکتا تو حضرت عمر (رض) نے کہا : کیا وہ جنبی ہے تو موسیٰ اشعری کہنے لگے : نہیں بلکہ وہ عیسائی ہے۔ ابو موسیٰ کہتے ہیں کہ حضرت عمر (رض) نے مجھے ڈانٹا اور میری ران پر مارا۔ اور کہا : اس کو نکال دو اور اس آیت کی تلاوت کی { یٰٓأَیُّھَا الَّذِیْنَ اٰمَنُوْا لَا تَتَّخِذُوا الْیَھُوْدَ وَ النَّصٰرٰٓی اَوْلِیَآئَ بَعْضُھُمْ اَوْلِیَآئُ بَعْضٍ وَ مَنْ یَّتَوَلَّھُمْ مِّنْکُمْ فَاِنَّہٗ مِنْھُمْ اِنَّ اللّٰہَ لَا یَھْدِی الْقَوْمَ الظّٰلِمِیْنَ } [المائدہ ٥١] اے ایمان والو ! تم یہود و نصاریٰ کو دوست نہ بناؤ۔ وہ ایک دوسرے کے ساتھ ہیں اور جس نے تم میں سے ان سے دوستی کی۔ وہ انہی میں سے ہے اور اللہ تعالیٰ ظالم قوم کو ہدایت نہیں دیتے۔