Sunan Al Bayhaqi: Hadith 19465

(١٩٤٥٩) جابر بن زید (رض) فرماتے ہیں کہ رسول اللہ (صلی اللہ علیہ وآلہ وسلم) نے خیبر کے دن گھریلو گدھوں کا گوشت کھانے سے منع کیا۔ راوی کہتے ہیں : حکم بن عمرو رسول اللہ (صلی اللہ علیہ وآلہ وسلم) سے اسی طرح فرماتے ہیں، لیکن ابن عباس (رض) نے اس کا انکار کیا ہے اور یہ آیت تلاوت کی { قُلْ لَّآ اَجِدُ فِیْ مَآ اُوْحِیَ اِلَیَّ مُحَرَّمًا } [الأنعام ١٤٥] میں اللہ رب العزت کی جانب سے اس کو حرام نہیں پاتا کہ بعض چیزیں جاہلیت والے ناپسند کرتے ہوئے چھوڑ دیتے تھے تو اللہ رب العزت نے حلال اور حرام کو بالکل واضح کردیا۔ اللہ کی حلال کردہ چیز حلال ہے اور حرام کردہ چیز حرام اور جس سے خاموشی اختیار کی گئی اس سے درگزر ہے۔ پھر اس آیت کی تلاوت کی : { قُلْ لَّآ اَجِدُ فِیْ مَآ اُوْحِیَ اِلَیَّ مُحَرَّمًا عَلٰی طَاعِمٍ یَّطْعَمُہٗٓ اِلَّآ اَنْ یَّکُوْنَ مَیْتَۃً اَوْدَمًا مَّسْفُوْحًا اَوْ لَحْمَ خِنْزِیْرٍ } [الأنعام ١٤٥] ” کہہ دیجیے : اللہ کی وحی میں میں حرام نہیں پاتا کھانے والے پر مگر مردار یا بہایا ہوا خون یا خنزیر کا گوشت۔ (ب) سفیان فرماتے ہیں کہ حضرت عبداللہ بن عباس (رض) کو علم نہ تھا کہ نبی (صلی اللہ علیہ وآلہ وسلم) نے اس کو حرام قرار دیا ہے۔ وگرنہ وہ کسی دوسری چیز پر اصرار نہ کرتے۔