Sunan Al Bayhaqi: Hadith 20730

(٢٠٧٢٤) ابن شہاب فرماتے ہیں کہ دو آدمی جھگڑا لے کر رسول اللہ (صلی اللہ علیہ وآلہ وسلم) کے پاس آئے، ایک دلائل کے اعتبار سے کمزور تھا اپنی بات واضح نہ کرسکا۔ نبی (صلی اللہ علیہ وآلہ وسلم) نے دوسرے کے حق میں فیصلہ کردیا تو کمزور دلیل والا کہنے لگا : مجھے اللہ ہی کافی ہے، وہ کارساز ہے۔ آپ (صلی اللہ علیہ وآلہ وسلم) نے اپنے ہاتھوں کو دو یا تین بار حرکت دیتے ہوئے فرمایا : حَسْبِیَ اللَّہُ وَنِعْمَ الْوَکِیلُ اپنا حق طلب کر عاجز آنے تک۔ جب عاجز آجائے تب کہہ : حَسْبِیَ اللَّہُ وَنِعْمَ الْوَکِیلُ کیونکہ فیصلہ تمہارے دلائل کی بنیاد پر کیا جائے گا۔