Sunan Al Bayhaqi: Hadith 2538

(٢٥٣٨) وکیع فرماتے ہیں کہ میں نے کوفہ کی مسجد میں نماز ادا کی۔ کیا دیکھتا ہوں کہ امام اعظم ابوحنیفہ (رح) کھڑے نماز پڑھ رہے تھے، لیکن رفع یدین نہیں کر رہے۔ جب کہ عبداللہ بن مبارک (رح) ان کے پہلو میں نماز پڑھ رہے تھے۔ عبداللہ (رح) جب بھی رکوع کرتے اور رکوع سے سر اٹھاتے تو رفع یدین کرتے اور ابوحنیفہ (رح) نہیں کر رہے تھے۔ جب وہ نماز سے فارغ ہوئے تو امام ابوحنیفہ (رح) نے عبداللہ (رح) سے فرمایا : اے ابوعبدالرحمن ! میں تجھے دیکھ رہا ہوں کہ تو اتنا زیادہ رفع یدین کرتا ہے گویا اڑنے لگا ہے تو عبداللہ بن مبارک (رح) نے جواب دیا : اے ابوحنیفہ ! میں نے آپ کو دیکھا، آپ نے نماز کے شروع میں رفع یدین کیا، کیا آپ اس وقت اڑنا چاہتے تھے ؟ ابوحنیفہ (رح) یہ سن کر خاموش ہوگئے۔ وکیع (رح) کہتے ہیں کہ میں نے عبداللہ (رح) کو ابوحنیفہ (رح) کے سامنے حاضر جوابی سے زیادہ کسی کی حاضر جوابی نہیں دیکھی۔