Sunan Al Bayhaqi: Hadith 2870

(٢٨٧٠) واثلہ بن اسقع لیثی (رض) فرماتے ہیں کہ میں سیدنا علی (رض) سے ملنا چاہتا تھا، لیکن وہ نہ ملے تو سیدہ فاطمہ (رض) نے فرمایا : وہ رسول اللہ (صلی اللہ علیہ وآلہ وسلم) کے ساتھ گئے ہیں، آپ نے انھیں بلایا تھا۔ آپ یہاں تشریف رکھیے، اچانک آپ (رض) رسول اللہ (صلی اللہ علیہ وآلہ وسلم) کے ساتھ آئے اور اندر چلے گئے، میں بھی ان کے ہمراہ اندر چلا گیا۔ رسول اللہ (صلی اللہ علیہ وآلہ وسلم) نے حسن اور حسین (رض) کو بلایا اور ان دونوں نے اپنی گود میں بٹھایا اور فاطمہ (رض) اور ان کے خاوند کو اپنے قریب بٹھایا ۔ پھر ان پر اپنی چادر ڈالی۔ میں ایک طرف تھا پھر آپ نے فرمایا : { اِنَّمَا یُرِیْدُ اللّٰہُ لِیُذْھِبَ عَنْکُمُ الرِّجْسَ اَھْلَ الْبَیْتِ وَیُطَھِّرَکُمْ تَطْھِیْرًا } [الاحزاب : ٣٣] ” اللہ تعالیٰ چاہتا ہے کہ اے اہل بیت تم سے نجاست کو لے جائے اور تمہیں بالکل پاک کر دے۔ “ اے اللہ ! یہ میرے اہل ہیں ، اے اللہ ! اہل والے زیادہ حق دار ہیں۔ واثلہ (رض) کہتے ہیں : میں نے عرض کیا : اے اللہ کے رسول ! کیا میں بھی آپ کے اہل میں ہوں ؟ آپ نے فرمایا : ہاں تم بھی میرے اہل میں شامل ہو۔ واثلہ کہتے ہیں : آپ نے میری امیدوں سے بھی بڑھ کر بات فرمائی۔