Sunan Al Bayhaqi: Hadith 3503

(٣٥٠٣) ابو صہبا (رح) بیان کرتے ہیں کہ ہم ابن عباس (رض) کے پاس تھے تو لوگوں نے ذکر کیا کہ کونسی چیز نماز توڑتی ہے ؟ تو انھوں نے فرمایا : عورت اور گدھا۔ ابن عباس (رض) نے فرمایا : میں اور بنو ہاشم یا بنو عبدالمطلب کا ایک لڑکا دونوں ایک گدھے پر بیٹھے ہوئے آئے اور رسول اللہ (صلی اللہ علیہ وآلہ وسلم) میدان میں لوگوں کو نماز پڑھا رہے تھے۔ ہم گدھے سے اترے اور اس کو ان کے سامنے چھوڑ دیا۔ اس کا کوئی خیال نہ رکھا۔ بنوہاشم کی دو بچیاں دوڑتی ہوئی آئیں اور لڑ پڑیں تو رسول اللہ (صلی اللہ علیہ وآلہ وسلم) نے انھیں پکڑ کر ایک دوسرے سے علیحدہ کردیا اور اس کی کوئی پروا نہ کی۔