Sunan Al Bayhaqi: Hadith 3506

(٣٥٠٦) حضرت انس بن مالک (رض) فرماتے ہیں کہ رسول اللہ (صلی اللہ علیہ وآلہ وسلم) نے لوگوں کو نماز پڑھائی۔ آپ کے آگے سے ایک گدھا گزرا تو عیاش بن ابی ربیعہ (رض) نے کہا : سبحان اللہ، سبحان اللہ ! جب رسول اللہ (صلی اللہ علیہ وآلہ وسلم) نے نماز سے سلام پھیرا تو فرمایا : ابھی ابھی سبحان اللہ کس نے پڑھا ؟ عیاش (رض) نے کہا : میں نے اے اللہ کے رسول ! میں نے سنا تھا کہ گدھا (آگے سے گزر کر) نماز توڑ دیتا ہے۔ آپ (صلی اللہ علیہ وآلہ وسلم) نے فرمایا : نماز کو کوئی چیز نہیں توڑتی، یعنی کسی بھی چیز کے آگے سے گزرنے سے نماز فاسد نہیں ہوتی۔