Sunan Al Bayhaqi: Hadith 3647

(٣٦٤٧) (ا) حضرت یزید بن عامر (رض) بیان کرتے ہیں کہ میں جب آیا تو نبی (صلی اللہ علیہ وآلہ وسلم) نماز پڑھ رہے تھے، میں بیٹھ گیا ، آپ کے ساتھ نماز میں شامل نہیں ہوا۔ جب آپ (صلی اللہ علیہ وآلہ وسلم) نماز سے فارغ ہوئے تو مجھے بیٹھا ہوا دیکھا۔ آپ (صلی اللہ علیہ وآلہ وسلم) نے فرمایا : ” یزید ! کیا تم مسلمان نہیں ہو ؟ میں نے جواب دیا : کیوں نہیں، اے اللہ کے رسول ! میں مسلمان ہوں۔ آپ (صلی اللہ علیہ وآلہ وسلم) نے فرمایا : تم لوگوں کے ساتھ نماز میں شامل کیوں نہیں ہوئے ؟ میں نے عرض کیا : میں نے گھر میں نماز پڑھ لی تھی، میرا خیال تھا کہ آپ نماز پڑھ چکے ہوں گے۔ آپ (صلی اللہ علیہ وآلہ وسلم) نے فرمایا : جب تم مسجد میں آؤ اور لوگوں کو حالت نماز میں پاؤ تو ان کے ساتھ نماز پڑھ لیا کرو، اگرچہ تم نماز پڑھ چکے ہو۔ یہ دوسری نماز تمہارے لیے نفل بن جائے گی اور پہلی فرض۔
(ب) یہ حدیث اس حدیث کے موافق ہے جو جماعت میں ملنے کی صورت میں نماز کے اعادہ کے بارے میں گزر چکی ہے۔ ان دونوں میں سے فرض نماز میں اس کی مخالف ہے جو اس بارے میں گزر چکی ہے وہ زیادہ مشہور اور راجح ہے۔ واللہ اعلم