Sunan Al Bayhaqi: Hadith 3751

(٣٧٥١) سیدنا ابن عباس (رض) فرماتے ہیں کہ ایک شخص نبی (صلی اللہ علیہ وآلہ وسلم) کی خدمت میں حاضر ہو اور عرض کیا : اے اللہ کے رسول ! گزشتہ رات میں نے خواب میں دیکھا کہ میں درخت کے پیچھے نماز پڑھ رہا تھا تو دوران نماز میں نے سورة صٓ کی قراءت کی، جب میں سجدہ والی آیت پر پہنچا تو میں نے سجدہ کیا اور درخت نے بھی میرے ساتھ سجدہ کیا، میں نے اس درخت کو سجدے میں یہ دعا پڑھتے سنا : اللَّہُمَّ اکْتُبْ لِی بِہَا عِنْدَکَ ذِکْرًا ، وَاجْعَلْ لِی بِہَا عِنْدَکَ ذُخْرًا ، وَأَعْظِمْ لِی بِہَا عِنْدَکَ أَجْرًا۔ ” اے اللہ ! اس سجدہ کے بدلے میرے لیے اپنے ہاں اجر لکھ دے اور اس کے ذریعے مجھ سے گناہوں کا بوجھ اتار دے اور اسے میرے لیے اپنے پاس ذخیرہ بنا لے اور اس کا میرے لیے اپنے پاس سے بہت بڑا اجر بنا کر رکھ۔ “ سیدنا ابن عباس (رض) فرماتے ہیں : میں نے رسول اللہ (صلی اللہ علیہ وآلہ وسلم) سے سنا کہ آپ (صلی اللہ علیہ وآلہ وسلم) نے سورة صٓ پڑھی جب آیت سجدہ پر پہنچے تو سجدہ کیا اور آپ (صلی اللہ علیہ وآلہ وسلم) کو میں نے سجدے میں وہی دعا کرتے سنا جو اس شخص نے درخت کے بارے میں بتایا۔
حضرت ابوبکر (رض) کی حدیث میں بھی ہے مگر اس میں بسجودی کا لفظ نہیں ہے۔