Sunan Al Bayhaqi: Hadith 3755

(٣٧٥٥) (ا) حضرت عبداللہ بن ربیع (رح) بیان کرتے ہیں کہ حضرت عمر بن خطاب (رض) نے جمعہ کے دن (منبر پر) سورة نحل کی تلاوت کی۔ جب سجدے کی آیت (وللہ یسجدما فی السموات) آئی تو حضرت عمر (رض) نے منبر سے اتر کر سجدہ کیا اور لوگوں نے بھی سجدہ کیا۔ دوسرے جمعہ کو پھر یہی سورت پڑھی جب سجدے کی آیت پر پہنچے تو فرمایا : اے لوگو ! ہم سجدہ کی آیت پڑھتے چلے جاتے ہیں، پھر جو کوئی سجدہ کرلے اس نے اچھا کیا اور درستگی کو پہنچا اور جو کوئی سجدہ نہ کرے تو اس پر کوئی گناہ نہیں اور حضرت عمر (رض) نے سجدہ نہیں کیا۔ حضرت نافع (رض) نے یہ اضافہ کیا ہے کہ تمہارے رب نے ہم پر سجدہ تلاوت فرض نہیں کیا بلکہ ہماری منشا پر چھوڑ دیا۔
(ب) امام بخاری (رح) کی سند سے ہے۔ اس کے آخر میں یہ اضافہ ہے کہ حضرت نافع (رض) نے سیدنا ابن عمر (رض) سے نقل کیا کہ اللہ نے تلاوت کے سجدوں کو ہم پر فرض تو قرار نہیں دیا مگر یہ کہ ہم چاہیں تو کرلیں۔