Sunan Al Bayhaqi: Hadith 3879

(٣٨٧٩) (ا) اسود اور عمرو بن میمون (رض) فرماتے ہیں : ہم نے حضور اکرم (صلی اللہ علیہ وآلہ وسلم) کے پیچھے فجر کی نماز پڑھی آپ نے قنوت نہیں پڑھی۔
(ب) قنوت کے باب میں ہم رسول اللہ (صلی اللہ علیہ وآلہ وسلم) سے اور خلفاء راشدین (رض) سے یہ روایت نقل کرچکے ہیں کہ انھوں نے صبح کی نماز میں قنوت پڑھی۔ صحیح سند کے ساتھ سیدنا عمر (رض) سے روایت ہے کہ وہ صبح کی نماز میں قنوت پڑھتے تھے، اگر ان لوگوں نے بعض حالات میں سہوا یا عمداً قنوت چھوڑ بھی دی تو یہ اس کے عدم وجوب پر دلالت کرتا ہے اور ان میں سے کسی ایک سے بھی منقول نہیں ہے کہ انھوں نے سہو کے سجدے کیے ہوں، لہٰذا یہ اس بات پر دلالت کرتا ہے کہ قنوت کے بھول جانے سے سجدہ سہو لازم نہیں آتا۔ واللہ اعلم