Sunan Al Bayhaqi: Hadith 4087

(٤٠٨٧) ابوسعیدخدری (رض) سے روایت ہے کہ نبی (صلی اللہ علیہ وآلہ وسلم) نے نماز پڑھائی اور جوتے اتار دیے، لوگوں نے بھی اپنے جوتے اتار دیے، جب آپ (صلی اللہ علیہ وآلہ وسلم) فارغ ہوئے تو پوچھا : تم نے اپنے جوتے کیوں اتارے ؟ “ انھوں نے کہا : اے اللہ کے رسول ! ہم نے دیکھا کہ آپ نے اتارے تو ہم نے بھی اتار دیے۔ آپ (صلی اللہ علیہ وآلہ وسلم) نے فرمایا : میرے پاس جبرائیل (علیہ السلام) آئے اور مجھے خبر دی کہ جوتوں میں گندگی ہے۔ جب تم میں سے کوئی مسجد میں آئے تو جوتوں کو الٹ پلٹ کر ان میں گندگی دیکھ لے، اگر ان میں گندگی ہو تو زمین کے ساتھ انھیں رگڑ لے، پھر ان میں نماز پڑھے۔