Sunan Al Bayhaqi: Hadith 4567

(٤٥٦٧) معدان بن طلحہ کہتے ہیں کہ میں نے نبی (صلی اللہ علیہ وآلہ وسلم) کے آزاد کردہ غلام ثوبان سے کہا کہ مجھے ایسا عمل بتاؤ جس کی وجہ سے اللہ مجھے نفع دیں۔ وہ خاموش ہوگئے، میں نے دوبارہ پھر کہا : آپ میری رہنمائی فرمائیں ایسے کام کی جانب جس کی وجہ سے اللہ مجھے نفع پہنچائے۔ وہ پھر خاموش ہوگئے۔ میں نے تیسری مرتبہ پھر کہا کہ آپ مجھے ایسا عمل بتاؤ جس کی وجہ سے اللہ مجھے فائدہ دیں تو پھر انھوں نے فرمایا : میں نے رسول اللہ (صلی اللہ علیہ وآلہ وسلم) سے سنا کہ جو بندہ اللہ کو ایک سجدہ کرتا ہے۔ اللہ اس کا ایک درجہ بلند کردیتے ہیں اور اس کی ایک غلطی ختم کردیتے ہیں۔ معدان کہتے ہیں : پھر میں ابودرداء (رض) سے ملا ۔ انھوں نے بھی مجھے اسی طرح بیان کیا۔ ایک دوسری روایت میں اوزاعی فرماتے ہیں : اس میں یہ لفظ زائد ہیں کہ تم اللہ کے لیے اپنے اوپر سجدوں کو لازم کرلو۔