Sunan Al Bayhaqi: Hadith 4926

(٤٩٢٦) ثابت انس (رض) سے نقل فرماتے ہیں کہ رسول اللہ (صلی اللہ علیہ وآلہ وسلم) ہمارے پاس آئے اور گھر میں، میں، میری والدہ اور خالہ ام حرام تھیں۔ آپ (صلی اللہ علیہ وآلہ وسلم) نے فرمایا : کھڑے ہو جاؤ میں تمہیں نماز پڑھاؤں۔ یہ نماز کا وقت نہیں تھا۔ ایک شخص نے ثابت سے کہا : تو انس (رض) کہاں کھڑے ہوئے ؟ فرماتے ہیں : آپ (صلی اللہ علیہ وآلہ وسلم) کے دائیں جانب تو آپ (صلی اللہ علیہ وآلہ وسلم) نے گھر والوں کے لیے دنیا، آخرت کی بھلائیوں کی دعا کی۔ میری ماں نے کہا : اے اللہ کے رسول ! یہ آپ (صلی اللہ علیہ وآلہ وسلم) کا چھوٹا خادم ہے اس کے لیے بھی دعا کریں تو آپ (صلی اللہ علیہ وآلہ وسلم) نے میرے لیے بھی ہر بھلائی کی دعا کی۔ آخری جو دعا آپ (صلی اللہ علیہ وآلہ وسلم) نے میرے لیے کی یہ تھی اے اللہ ! تو اس کا مال اور اولاد زیادہ کر اور اس کے لیے اس میں برکت عطا فرما۔