Sunan Al Bayhaqi: Hadith 7381

(٧٣٨٠) مغیرہ بن شعبہ کے غلام فرماتے ہیں کہ وہ طائف میں ان کے اموال پر نگران تھے، فرماتے ہیں کہ مجھے مغیرہ بن شعبہ نے کہا : تو میرے مال کی زکوۃ کا کیا کرتا ہے تو اس نے کہا : اس میں سے کچھ سلطان (بادشاہ) کو دے دیتا ہوں اور کچھ اس میں سے صدقہ کردیتا ہوں، اس نے کہا : وہ اس کے لیے کیا کرتے ہیں تو اس نے کہا : وہ اس کے عوض پارچہ جات لیتے ہیں جن کے ساتھ وہ عورتوں سے نکاح کرتے ہیں اور اس کے ساتھ زمین بھی حاصل کرتے ہیں۔ انھوں نے کہا : اسے ان کو واپس لوٹا دو ، بیشک نبی کریم (صلی اللہ علیہ وآلہ وسلم) نے ہمیں حکم دیا کہ ہم وہ انھیں لوٹا دیں اور ان کا حساب انھیں پر ہے۔