Sunan Al Bayhaqi: Hadith 7654

(٧٦٥١) ضباعہ بنت زبیر بن عبد المطلب فرماتی ہیں کہ مقداد (رض) اپنی حاجت کے لیے بقیع گئے تو انھوں نے ایک چوہے کو دیکھا جو بل میں سے دینار نکال رہا تھا، پھر وہ ایک ایک کر کے دینار نکالتا رہا حتیٰ کہ اس نے سترہ دینار نکالے۔ پھر ایک سرخ کپڑے کا ٹکڑا نکالا اس میں ایک دینار تھا تو وہ اٹھارہ دینار ہوگئے۔ وہ انھیں لے کر نبی کریم (صلی اللہ علیہ وآلہ وسلم) کی خدمت میں حاضر ہوئے اور پوری خبر دی اور کہا : اس کی زکوۃ لے لیں تو نبی کریم (صلی اللہ علیہ وآلہ وسلم) نے فرمایا : کیا تو نے بل کی طرف جھک کر دیکھا، انھوں نے کہا : نہیں تو رسول اللہ (صلی اللہ علیہ وآلہ وسلم) نے فرمایا : اللہ تجھے ان میں برکت دے۔