Sunan Al Bayhaqi: Hadith 7865

(٧٨٦٢) عطاء فرماتے ہیں کہ ابن عباس (رض) سے غلام کے بارے میں پوچھا گیا کہ وہ کوئی چیز صدقہ کرسکتا ہے ؟ تو انھوں نے کہا : { ضَرَبَ اللَّہُ مَثَلاً عَبْدًا مَمْلُوکًا لاَ یَقْدِرُ عَلَی شَیْئٍ } کہ وہ کسی چیز کا صدقہ نہیں کرسکتا ، مگر یہ کہ وہ اونٹوں کا چرواہاہو اور اُس کے پاس آدمی آئے جس کا حلق پیاس کی وجہ سے خشک ہوچکا ہے وہ ڈرتا ہے کہ اگر پانی نہ پلایا گیا تو وہ فوت ہوجائے گا تو پھر وہ اسے پلادے۔
فرماتے ہیں : اسے انصاری نے جابر (رض) سے نقل کیا ہے کہ ان سے غلام کے بارے میں پوچھا گیا کہ کیا وہ صدقہ کرسکتا ہے ؟ تو انھوں نے فرمایا : کچھ بھی صدقہ نہیں کرسکتا۔