Sunan Al Bayhaqi: Hadith 9136

(٩١٣٢) عباس اور مسور بن مخرمہ نے ابواء میں اختلاف کیا ۔ ابن عباس (رض) نے کہا کہ محرم اپنا سر دھو سکتا ہے اور مسور نے کہا کہ نہیں دھو سکتا تو ابن عباس (رض) نے مجھے ابوایوب انصاری (رض) کے پاس بھیجا تو میں نے انھیں کپڑے کی اوٹ میں قرنین کے درمیان غسل کرتے ہوئے پایا، میں نے انھیں سلام کہا تو انھوں نے پوچھا : کون ہے ؟ میں نے عرض کیا : میں عبداللہ بن حنین ہوں مجھے ابن عباس (رض) نے آپ کے پاس یہ پوچھنے بھیجا ہے کہ رسول اللہ (صلی اللہ علیہ وآلہ وسلم) حالتِ احرام میں کیسے سر دھوتے تھے تو ابوایوب نے اپنا ہاتھ کپڑے پر رکھا اور اس کو جھکایا حتیٰ کہ مجھے ان کا سر نظر آنے لگا ۔ پھر اس شخص کو جو ان پر پانی بہا رہا تھا کہا کہ پانی ڈال۔ اس نے سر پر پانی ڈالا ، پھر انھوں نے اپنے سرکو اپنے ہاتھوں سے ہلایا ، دونوں کو آگے لے گئے ، پھر واپس لائے اور کہا کہ میں نے اسی طرح آپ (صلی اللہ علیہ وآلہ وسلم) کو کرتے دیکھا ہے۔