(٢٣٧٥) سیدنا علی (رض) سے روایت ہے کہ لوگوں نے حضرت عثمان (رض) کے دور خلافت میں قرآن میں اختلاف کیا۔ حتیٰ کہ ایک آدمی دوسرے کو کہتا : میری قرائت، تیری قرات سے بہتر ہے۔ جب حضرت عثمان (رض) کو اس کی خبر پہنچی تو انھوں نے ہم سب صحابہ کو جمع کر کے فرمایا : لوگ آج قراءت میں اختلاف کرچکے ہیں حالانکہ تم ان میں موجود ہو۔ میرا خیال ہے کہ میں انھیں ایک ہی قراءت پر جمع کر دوں۔ علی (رض) فرماتے ہیں : ہماری رائے بھی حضرت عثمان (رض) کی رائے کے موافق ہوگئی اور فرمانے لگے : جس طرح کا معاملہ عثمان (رض) کے ساتھ پیش آیا۔ اگر اس طرح میرے ساتھ ہوتا تو ضرور میں بھی ویسے ہی کرتا جیسے عثمان (رض) نے کیا ہے۔